Subscribe në Ora News këtu http://bit.ly/1s5j7UT
Ftesa e NATO-s për Maqedoninë për nisjen e bisedimeve për anëtarësim është një lajm i pozitiv, jo vetëm për fqinjët tanë, por edhe për sigurinë e rajonit. Ministri për Evropën dhe Punët e Jashtme Ditmir Bushati theksoi se kjo ftesë vjen në vijim të marrëveshjes mes Shkupit dhe Athinës.
Bushati: Për sa i përket rajonit tonë është me rëndësi të theksojmë ftesën që i bëri Aleanca Shkupit për të filluar bisedimet për anëtarësim dhe thirrjen që i bën aleanca Shkupit për të ndërtuar një shoqëri multietnike.
Sipas Bushatit, në Samit u rikonfirmua rëndësia strategjike e rajonit të Ballkanit Perëndimor për sigurinë e Aleancës, si dhe roli i Shqipërisë, në vendimmarrje dhe në politikëbërjen e Aleancës.
Bushati: Shqipëria ka një kontribut kryesisht me misione në jug të Aleancës. Do të vijojë t'i përmbahet këtyre angazhimeve qoftë në aspektin financiar ashtu edhe sa i përket investimeve të ndryshme.
Samiti i NATO-s është shoqëruar me debate mes Presidentit të SHBA-së shë lidervë të BE për përmbushjen e detyrimeve të vendeve anëtare për të rritur shpenzimet për mbrojtjen në nivelin e 2% të prodhimit të brendshëm Bruto. Një fakt të tillë e ka pohuar edhe Ministri i Jashtëm shqiptar Ditmir Bushati, i cili ishte edhe pjesë e delegacionit të Shqipërisë në këtë Samit.
Për më shumë lexoni në: http://oranews.tv/article/bushati-ne-samitin-e-nato-s-u-theksua-rendesia-strategjike-e-rajonit-te-ballkanit
