Subscribe në Ora News këtu http://bit.ly/1s5j7UT
Krahas projektit për ndërtimin e 20 shkollave të reja, Bashkia e Tiranës po punon që shkollat ekzistuese të përmirësojnë kushtet për të mirëpritur nxënësit e tyre. Një prej shkollave që iu nënshtrua rikonstruksionit është edhe gjimnazi ?Sami Frashëri?, nxënësit e të cilit mund të studiojnë në mjedise moderne.
Kreu i Bashkisë së Tiranës, Erion Veliaj u shpreh se është vetëm çështje kohe që investime të tilla të prekin të gjitha zonat në kryeqytet.
?Shumica e shkollave të Tiranës tashmë janë rregulluar, duke filluar nga ?Qemal Stafa?, që u ribë nga e para, duke shtuar disa klasa e 4-5 fusha të tilla. Ishte vetëm çështje kohe që edhe te Samiu të vihej dorë?, tha Veliaj.
Ai dekaroi se Tirana është kthyer tashmë në një kantier ndërtimi, ku po punohet nga qendra deri në zonat rurale. Veliaj shprehu mirënjohjen për individët dhe kompanitë që tregojnë përgjegjshmëri të lartë sociale, duke kontribuar në realizimin e një sërë investimesh në dobi të komunitetit.
?Jemi në një situatë ku Tirana është kthyer në një kantier pune, nga Sheshi ?Skënderbej? deri në fshatin më të largët. Në Tiranë kemi mbi 240 insitucione arsimore, shkolla, kopshte, çerdhe, çka do të thotë se na duhet shumë mund dhe staf në terren, por ama kur kemi miq të përbashkët, kur i ndajmë disa përgjegjësi, na jep një kënaqësi shumë të veçantë. Ndaj, dua t?i falenderoj me gjithë zemër për ndihmën dhe bujarinë?, deklaroi ai.
Një vlerësim të veçantë, kreu i Bashkisë shprehu për stafin pedagogjik, të cilët japin një kontribut të çmuar në edukimin dhe formimin e të rinjve të kryeqytetit.
?Nuk ka një njeri që ta shënon jetën, siç ta shënon një mësues ose një mësuese e mirë, i cili mund të të lërë gjurmë, një kujtim, që të frymëzon, që mund edhe të të kritikojë, por të jep aq shumë dobi në një moment kur t?i mendon se je i pakritikueshëm. Një falenderim i veçantë shkon për të gjithë mësuesit dhe mësueset?, theksoi Veliaj.Për më shumë lexoni në:
http://oranews.tv/article/rikonstruktohen-terrenet-sportive-veliaj-tirana-eshte-kthyer-ne-nje-kantier-pune
