Subscribe në Ora News këtu http://bit.ly/1s5j7UT
Për të fituar të drejtën e studimit në Universitet, çdo maturant që kërkon të vazhdojë studimet e larta, duhet të plotësojë Formularin A2. Aplikimet do të nisin në datën 30 korrik dhe do të zgjasin deri më 6 gusht. Edhe këtë vit maturantët do të duhet të listojnë 10 programe studime në Universitetet publike ose ato private.
Plotësimi i formualit A2 është faza e rradhës që do të duhen të ndjekin maturantët që do të vijojnë studimet e larta.
Edhe këtë vit nuk ka ndryshime. Duke nisur nga data 30 korrik dhe deri më 6 gusht, ata duhet të listojnë 10 preferenca në formularin që plotësohet online në portalin matura.akp.gov.al
Rezana Vrapi: Sërish ata do të duhet të zgjedhin 10 preferenca, ti rendisin sipas dëshirës por duhet të kenë kujdes që të shikojnë kriteret e Universitetit dhe më pas sa mundësojnë arritjet e tyre për të fituar në këtë degë.
Kujdes duhet pasur me mesataren. Ata që pretendojnë degët e Mjekësisë dhe Infermierisë nuk duhet të kenë mesatare më të ulët se 8.5, ndërsa për ata që aplikojnë për Mësuesi mesatarja duhet të jetë mbi 7, në të kundërt këto programe studimi nuk do të shfaqen në sistem.
Por ky do të jetë viti i fundit që maturantët do ti nënshtrohen 5 provimeve. Vitin që do të vijë ata do të kenë vetëm 4 provime, ndërsa do të ndryshojë edhe sistemi i vlerësimit.
Rezana Vrapi: Ata do të testohen në një test i cili do të masë shumën në thellësi të gjitha njohurive dhe kompetencave që ata zotërojnë në tre vite të shkollës së mesme sepse testi do të jetë vërtet një lëndë por ai sërish do të zgjasë tre orë, që do të thotë se do të ketë një ndryshim të numrit të pikëve por edhe numrit të pyetjeve në test.
Gjatë muajit qershor, maturantët zhvilluan 5 provime, 3 në lëndët me detyrim dhe dy të tjerë me zgjedhje.
Në këtë proces morën pjesë rreth 37 mijë maturantë, ndërsa ata që janë vlerësuar me notë jo kaluese të paktën në një nga provimet do të duhet ti përsërisin ato në vjeshtë.
Për më shumë lexoni në:
http://oranews.tv/article/gara-ne-10-dege-maturantet-kane-7-dite-afat-plotesimin-e-formularit-a2
