Një ditë para votimit me procedurë të përshpejtuar nga parlamenti të projektligjit për Teatrin e Ri, kryetari i partisë Demokratike, Lulzim Basha, iu shtua firmëtarëve që kanë nënshkruar peticionin kundër shembjes së godinës ekzistuese.
Basha paralajmëroi betejë brenda dhe jashtë sallës së Kuvendit dhe i kërkoi qeverisë të tërhiqet nga kjo nismë ligjore që sipas tij është një akt kundër kujtesës së qytetit përmes grabitjes së pronës publike.
Kreu i Partisë Demokratike i bëri thirrje faktorit ndërkombëtar të reagojë dhe te mos lejoje shkeljen e Kushtetutës. Ndërsa aktivistë të Aleancës për Mbrojtjen e Teatrit dhe aktorë folën për një betejë që u takon të gjithë shqiptarëve.
Më herët Partia Demokratike akuzoi kryebashkiakun e Tiranës, Erjon Veliaj se në shkelje të kushtetutës dhe ligjit refuzoi të mos informojë parlamentin lidhur me projektin e Kompanisë ?Fusha?. Ndërsa deputetja Jorida Tabaku publikoi disa dokumente të vitit 1938 të nënshkruara nga familja Libohova, që sipas saj ndalojnë tjetërsimin e pronës te Teatri Kombëtar.
Tv Klan
