http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Një tjetër sasi rekord mishi është bllokuar nga Autoriteti Kombëtar i Ushqimit pasi ishte i infektuar me salmonelë. Bëhet fjalë për 50.2 ton mish i ardhur nga Brazili. Kontenierët janë bllokuar në Portin e Durrësit.
Ministria e Bujqësisë thotë se kontenierët kishin mish pule dhe derri, ndërkohë qe kanë nisur procedurat për kthimin e tij në vendin e origjinës.
Autoritetet nuk bëjnë të ditur emrin e kompanisë importuese , por thonë se janë në verifikim, nëse ka qenë apo jo në dijeni të mishit të infektuar. Konstatimi i është bërë pas analizave të mostrave nga Inspektorati Veterinar, nga ku rezultoi se sasia përmbante salmonelë.
Me këtë bllokim Ministria e Bujqësisë thotë se shkon në 130 ton sasia e mishit që ka ardhur nga Brazili dhe është kthyer sërish në vendin e origjinës, gjatë këtij viti.
Që prej 2017 autoritet shqiptare kanë një vëmendje më të shtuar ndaj produkteve me orgjinë shtazore që importohen nga ky Brazili, për shkak të infektimit të mishit nga stabilimentet në këtë shtet.
