Subscribe në Ora News këtu http://bit.ly/1s5j7UT
Vajzat e ekipit të volejbollit i kanë dhuruar ministres Nikolla një top me numrat e fanellës së tyre, në ceremoninë e organizuar për fitoren e vendit të tretë në ligën e Evropës. Nga ana e saj ministja Nikolla është shprehur se medalja e bronzit ka bërë të mundur të kthehet vëmendja për mbështetjen e këtij sporti
Ministrija e Arsimit dhe e Sporteve Lindita Nikolla ka vlerësuar ekipin e kombëtares së volejbollit të vajzave të cilat fituan vendin e tretë në ligën e Evropës. Gjatë takimit ajo ka premtuar më shumë mbështetje për të krijuar kushtet që të fitohen trofe të tjera.
Nikolla: ?Patjetër sa herë që sporti shqiptar bën përpara çdo qytetar i zakonshëm ndihet krenar jo më unë që kam fatin të jem ministër edhe e Sportit. Jam krenare se këta dy djem në krye të federatës por edhe trajnerët tuaj por edhe ju, ja dolët të ktheni volejbollin për femra në rrugën e traditës, në rrugën e suksesit dhe fitoreve. Doja t?u thoja që keni bërë të mundur ta kthejmë kokën fal arritjeve tuaja në sportin e volejbollit për të mundësuar edhe më shumë mbështetje.?
Presidenti i Federatës së Volejbollit, Erind Pëllumbin dhe trajneri i ekipit kombëtar Altin Mërtiri nënvizuan se rezultati u arrit falë punës në grup.
Altin Mërtiri: ?Rezultatet janë me të vërtetë shumë të mira. Kur e nisëm në fillim e nisëm të arrinim deri në katërshe por arritëm të zinim vendin e tretë. Do desha tu falënderoja juve dhe të gjitha vajzat për çfarë arritën në fushën e lojës?
Kapitenia e ekipit kombëtar të volejbollit, Arjola Prenga, theksoi se për të arritur rezultate pozitive duhet më shumë mbështetje.
Arjola Prenga: ?Ne e dashurojmë këtë sport dhe patjetër që gjatë gjithë kohës dhe gjatë gjithë vitit, ne japim maksimumin tonë dhe do vazhdojmë ta japim për sportin e volejbollit. Shpresojmë që federata jonë, patjetër të ketë mbështetje që të ngrihet edhe në qoftë se ne do të mbarojmë, të shohin vajza të tjera të reja që ta çojnë edhe më lart se ne.
Për më shumë lexoni në:
http://oranews.tv/article/vendi-i-trete-ne-ligen-e-europes-nikolla-duhet-me-shume-mbeshtetje
