Tollywood producer Suresh Babu first reaction on Sri Reddy and his son Abhiram issue. "It is my personal matter, I do not want to tell others’’ said Suresh Babu.
పెళ్లి చూపులు ఫేం తరుణ్ భాస్కర్ దర్శకత్వంలో రూపొందిన 'ఈ నగరానికి ఏమైంది?' అనే సినిమా త్వరలో విడుదల కాబోతున్న నేపథ్యంలో చిత్ర నిర్మాత సురేష్ బాబు ఓ టీవీ ఛానల్‌కు స్పెషల్ ఇంటర్వ్యూ ఇచ్చారు. ఈ సందర్బంగా సినిమాకు సంబంధించిన విషయాలతో పాటు టాలీవుడ్లో ఈ మధ్య కాలంలో చోటు చేసుకున్న పరిణామాలు, తన కుమారుడు అభిరామ్... శ్రీరెడ్డి ఇష్యూకు సంబంధించి, అమెరికా సెక్స్ రాకెట్ గురించి ప్రశ్నలు ఎదుర్కొన్న ఆయన తనదైన రీతిలో సమాధానం ఇచ్చారు.
తెలుగు సినిమా ఇండస్ట్రీ మీద ఈ మధ్య కాలంలో వచ్చిన నిందలు మన దురదృష్టం. ఇలాంటివి జరిగాయంటూ చెబుతున్నవి ఎప్పుడూ జరుగుతూనే ఉన్నాయి. ఇపుడు తెలుగు ఇండస్ట్రీ మీద బ్రాండింగ్ అయింది. డ్రగ్స్, కాస్టింగ్ కౌచ్, వ్యభిచారం లాంటివి మనుషులు పుట్టినప్పటి నుండి జరుగుతున్నాయి. ఈ రోజు కొత్తగా మొదలైనవి కాదు. రాజుల కాలం నుండి డ్రగ్స్, వ్యభిచారం ఉన్నాయి. ఆడ, మగ ఉన్న ప్రతి చోట ఇవి జరుగుతాయి అని సురేష్ బాబు అన్నారు.
