Bigg Boss 2 contestant Sanjana Sensational Comments on Babu Gogineni. Eliminated contestant of Big Boss 2, Sanjana Anne shocking comments on Babu Gogineni.
బిగ్ బాస్ షో నుండి ఎలిమినేట్ అయి బయటకు వచ్చిన మిస్ హైదరాబాద్ సంజన అన్నే బాబు గోగినేనిపై సంచలన వ్యాఖ్యలు చేశారు. ఆయన పైకి కనిపించేంత మంచి వ్యక్తి కాదని, ఆయనలో జనాలకు తెలియని మరో కోణం ఉందని ఫైర్ అయ్యారు. బిగ్ బాస్ ఇంట్లో ఉన్న సమయంలో బాబు గోగినేని తన పట్ల ప్రవర్తించిన తీరును సంజన ఎండగట్టారు. తాజాగా ఓ టీవీ ఛానల్ ఇంటర్వ్యూలో పాల్గొన్న సంచన బాబు గోగినేని అసలు రూపం ఇదే అంటూ ఎవరూ ఊహించని వ్యాఖ్యలు చేశారు.
ఫస్ట్ డే నేను జైల్లోకి వెళ్లినపుడు ఆ రోజు రాత్రి నన్ను బయటకు తీసుకురావాలని ఇంటి సభ్యులంతా డిసైడ్ అయ్యారట. అయితే ఉదయం బాబు గోగినేని సంజనను వద్దు, నూతన్ నాయుడును బయటకు తీసుకురావాలని చెప్పడంతో ఆయనకు అందరూ సపోర్ట్ చేశారు. ఒక ఆడపిల్ల జైల్లో ఉంటే బాబు గోగినేని దారుణంగా ప్రవర్తించారు. ఆయన కూతురైతే ఇలాగే వదిలేస్తారా? అంటూ సంజన ఫైర్ అయ్యారు.
నేను అరిచానా; గొడవ చేశానా? అనేది వేరే విషయం... అక్కడ ఒక ఆడ పిల్ల జైల్లో ఉంది. ఆ సిచ్యువేషన్లో నేను ఉంటే సపోర్ట్ చేస్తాను. మహిళపై కొంచెం కూడా జాలి లేకుంటే నువ్వేం మనిషివి? అలాంటి మనిషి గురించి మాట్లాడటం కూడా దండగే... అంటూ సంజన అసహనం వ్యక్తం చేశారు.
