Subscribe në Ora News këtu http://bit.ly/1s5j7UT
Rrethanat e vdekjes në Itali të 20 vjeçares Anxhela Meçani mbeten të mbuluara me mister, ndërsa familja në qytetin e Fierit kërkon ndihmën e shtetit për zbardhjen e vrasjes dhe kthimin e trupit të pajetë për nderimet e fundit! I ati, Dritan Meçani thotë se nuk i ka mundësitë financiare për procedurat.
Meçani: Ekonominë e kam shumë të këputur. Dua që vajza të vijë në Shqipëri me ndihmën e shtetit.
20 vjeçarja sipas mediave italiane u dhunua dhe u hodh në rrugë nga një makinë në qytetin e Torinos, ndërsa ndërroi jetë në spital si pasojë e plagëve të marra.
Edhe familja nuk di më shumë detaje nga ngjarja, ndaj apelon për një hetim të plotë të krimit.
Izet Veizaj, gjyshi: A u hodh vet a e hodhën të tjerët, ajo ishte shumë e dërrmuar nga pjesët e brendshme të trupit.
20 vjecarja Meçani ishte larguar drejt Italisë në muajin dhjetor bashkë me një të ri nga Fieri, i cili në një bisedë me një të afërme të 20 vjeçares thotë se atje viktima ishte celebruar me një italian për dokumente. Emri i tij nuk bëhet i ditur, por sipas këtij regjistrimi, dëshmitari mohon që e reja të punonte si prostitutë, variant ky i publikuar nga mediat italiane.
Biseda audio:
Gruaja: Anxhelën kush e vrau?
Djali: Nuk ka pasur kërcënime as unë as ajo.
Gruaja: Punonte Anxhela?
Djali: Jo!
Anxhela Meçani ndërroi jetë në spitalin e Torinos, sipas raportimeve për shkak të dëmtimeve në organet e brendshme si pasojë e hedhjes nga makina por edhe dhunës. Trupi i saj mbetet ende atje në pritje të procedurave për t'u rikthyer në Shqipëri për lamtumirën e fundit.
Për më shumë lexoni në: http://oranews.tv/article/vrasja-e-20-vjecares-ne-itali-babai-shteti-te-na-ndihmoje-kthimin-e-trupit
