Subscribe në Ora News këtu http://bit.ly/1s5j7UT
Ngjarja e rëndë në Durrës ku humbi jetën nëna e gjashtë fëmijëve si pasojë e dhunës nga bashkëshorti mund të ishte parandaluar.
Ardjana Shaholli e kishte denoncuar disa herë bashkëshortin për dhunë ndaj saj dhe fëmijeve, por pasi shoqerohej për disa orë në polici, Çlirimi kthehej në shtëpi duke u kthyer në makthin e familjes së tij.
E tillë ishte edhe mbrëmja e së premtes ku pas një konflikti banal, Çlirim Shaholli ka dhunuar me mjete të forta bashkëshorten duke i marrë asaj jetën.
Pasi tërhoqën trupin nga morgu, të afërmit hapën dyert e mortit ku kanë pritur për ngushëllime familjarë dhe të njohur të bashkëshortëve Shaholli.
Autorin e vrasjes thonë se e njohin si një person të dhunëshëm dhe që shpesh ishte nën ndikimin e alkoolit, ndërsa sipas tyre e ndjera edhe pse dhunohej nuk e shprehte shqetësimin te të afërmit
"E çonin në polici e mbanin disa orë dhe e kthenin në shtëpi. Nuk punonte dhe konsumonte alkool. Tërë jetën vuajti dhe nuk e hapi zërin e gojës. E rrihte i shoqi dhe ajo nuk e hapte gojën vetëm për hatër të fëmijëve" thotë një e afërm e viktimës
Ngjarja e rëndë ndodhi mbremjen e së premtes, 8 qershor, në periferi të Durrësit. Policia tha se viktima, Ardjana Shaholli mbërriti në spital në gjendje të rëndë dhe me demtime në kokë. Pas ngjatjes Çlirim Shaholli u vendos direkt në pranga ndërsa në dëshminë e pare që dha para uniformave blu shprehu pendesë.
Për më shumë lexoni në:
http://oranews.tv/article/tere-jeten-e-dhunuar-nga-i-shoqi-fundi-i-nenes-se-6-femijeve-ne-durres
