Rajinikanth's Kaala has grossed over Rs 50 crore at the worldwide box office. It means the Pa Ranjith-directorial has failed to surpass the collection of Kabali, which minted Rs 87.5 crore at the worldwide box office
భారీ అంచనాలతో విడుదలైన 'కాలా' మూవీ బాక్సాఫీసు వద్ద తొలి రోజు ఆశించిన స్థాయిలో వసూళ్లు సాధించలేదు. ట్రేడ్ వర్గాల నుండి అందుతున్న సమాచారం ప్రకారం ప్రపంచ వ్యాప్తంగా దాదాపు రూ. 45 కోట్ల నుండి రూ. 50 కోట్లు మాత్రమే వసూలు చేసినట్లు తెలుస్తోంది. దీంతో పాటు 'కబాలి' రికార్డులను బద్దలు కొట్టడంలోనూ 'కాలా' విఫలమైంది. తమిళనాడులో తప్ప మిగతా అన్ని చోట్ల ఈ చిత్రానికి యావరేజ్ రివ్యూలు వచ్చాయి.
రజనీకాంత్, పా రంజిత్ దర్శకత్వంలో గతంలో వచ్చిన ‘కబాలి' తొలి రోజు ప్రపంచ వ్యాప్తంగా రూ. 87.5 కోట్లు రాబట్టింది. అయితే ఈ మార్కును అందుకోవడంలో ‘కాలా' విఫలైమైంది. సినిమాపై అంచనాలు భారీగా ఉన్నప్పటికీ కలెక్షన్లు ఆశించిన స్థాయిలో లేక పోవడం గమనార్హం.
తమిళనాడులో తొలి రోజు రూ. 17 కోట్లకు పైగా వసూలైనట్లు తెలుస్తోంది. తెలుగు రాష్ట్రాల్లో రూ. 7 కోట్లుపైగా, కేరళలో రూ. 3 కోట్లకుపైగా, రెస్టాఫ్ ఇండియాలో రూ. 6 కోట్ల వరకు వసూలైనట్లు టాక్. ఓవర్సీస్ మార్కెట్లో కూడా ఆశించిన స్థాయిలో కలెక్షన్ రాలేదు.
అయితే చెన్నై సిటీలో ‘కాలా' తొలిరోజు సరికొత్త రికార్డు నెలకొల్పింది. రూ. 1.76 కోట్లు వసూలు చేయడం ద్వారా అప్పటి వరకు ‘మెర్సల్' పేరు మీద ఉన్న రూ. 1.52 కోట్ల రికార్డ్ బద్దలైంది.