Subscribe në Ora News këtu http://bit.ly/1s5j7UT
Ekspertiza mjeko ligjore dhe hetimi i prokurorisë së Korçës pritet të hedhë dritë mbi vdekjen e mistershme të një 27 vjeçari në qelinë e policisë së qytetit juglindor. Enea Ftoj, babai i tre fëmijëve sipas policisë së Korçës nuk kishte asnjë shenjë dhunë ndërsa ishte përdorues droge. Por familjarët e të riut nga komuniteti rom akuzuan policinë për vrasje.
Një 27 vjeçar, baba i tre fëmijëve ndërroi jetë në dhomën e sigurisë në komisariatin e Korçës në rrethana që po hetohen nga prokuroria e qytetit juglindor.
Enea Ftoj ishte arrestuar 3 ditë më parë për vjedhje me dhunë, pasi i kishte varësen e floririt një qytetareje.
Policia thotë se nga kqyrja e trupit nuk u konstatuan shenja dhune dhe nga informacionet paraprake dyshohet se viktima ka qenë përdorues i lëndëve narkotike.
Por familjarët e 27 vjeçarit akuzuan policinë për dhunë dhe vrasjen e të riut.
"Më vranë burrin" - thotë e bashkëshorjta e re.
Të mbështetur edhe nga anëtarë të tjerë të komunitetit rom ata protestuan para komisariatit.
Për më shumë lexoni në: http://oranews.tv/article/korce-i-arrestuari-vjedhje-gjendet-i-vdekur-ne-qelite-e-komisariatit
