Subscribe në Ora News këtu http://bit.ly/1s5j7UT
Kreu i Partisë Demokratike akuzoi Ministrin e Brendshëm Fatmir Xhafaj se po i fshihet përgjegjësisë ligjore dhe politike lidhur me aktivitetin kriminal të vëllait të tij.
Në një dalje për mediat nga selia blu, Basha tha se Fatmir Xhafaj duhet të largohet menjëherë nga posti i Ministrit të Brendshëm dhe ti hapë rrugë hetimeve.
"Shqipëria nuk meriton të kalojë nga afera Tahiri tek afera Xhafaj. Në emër të opozitës kërkoj largimin e Fatmir Xhafaj" tha ai.
Kryedemokrati nënvizoi se Fatmir Xhafaj bashkë me vëllain e tij Agron Xhafaj duhet ti nënshtrohen ligjit antimafia, dhe të hetohet pasuria e tyre.
Basha: Qytetarët pa dallim bindjesh politike kanë pritur që Fatmir Xhafaj të jepte dorëheqjen. Prej një jave Fatmir Xhafaj hesht dhe i fshihet përgjegjësive ligjore dhe politike. Agron Xhafaj ka qenë dhe është i lirë në Shqipëri me identitet të ndryshuar. Para këtyre fakteve ligji shqiptar kërkon që Agron Xhafaj të arrestohet dhe vuajë dënimin e marrë. Pasuria e tij dhe vëllait Fatmir Xhafaj të hetohet. Fatmir Xhafaj si Ministër i Brendshëm ka penguar dhe pengon zbatimin e ligjit antimafia ndaj vëllait të vet dhe vetë atij.
Deklaratat Basha i bëri pas takimit me aleatët parlamentarë në selinë blu.
Për më shumë lexoni në:
http://oranews.tv/article/basha-mbledh-aleatet-ne-seline-blu
