Një turiste austriake është gjetur pas 9 orë kërkimesh të policisë, pasi kishte humbur në pyllin e Llogarasë. Turistja me iniciale A.Ë. 45 vjeç u gjet rreth orës 01:35 të mëngjesit. Gjatë kërkimit morën pjesë rreth 20 forca policore, si dhe 15 shtetas nga agjensia e zonave të mbrojtura dhe banorët e zonës. Turistes i'u dha ndihma e parë mjekësore dhe aktualisht ndodhet në gjendje shumë të mirë shëndetësore. Ajo falenderoi Policinë e Vlorës si dhe të gjithë ata që u angazhuan në operacionin e kërkim-shpëtimit të saj.
