Dy persona janë plagosur me thikë mesditën e sotme pas një konflikti. Sherri ka ndodhur rreth orës 15:00 në zonën e Unazës së Re jashtë një lokali. Sipas të dhënave nga policia, 27 vjeçari Altin M. ndodhej në një lokal me të fejuarën e tij Klaudia K. rreth 23 vjeçe.
Në lokal kanë qenë edhe tre të rinj, të cilët kanë ngacmuar të fejuarën e 27-vjeçarit. Në këtë moment ky i fundit përleshet me tre të rinjtë jashtë lokalit. Nga përplasja 27-vjeçari dhe e fejuara e tij kanë mbetur të plagosur, pasi janë qëlluar me thikë nga të rinjtë.
