Një atentat me armë zjarri ka ndodhur sot në fshatin Daragjat të Shkodrës.
Nga informacionet paraprake mësohet se ka mbetur i plagosur biznesmeni Xhevat Vataksi.
Ky i fundit është sipërmarrës në sektorin e ndërtimeve, të hotelerisë dhe hekurudhave.
Vataksi është 60 vjeç dhe për momentin ndodhet në spitalin e Shkodrës, ku është jashtë rrezikut për jetën.
Biznesmeni është qëlluar në këmbë dhe autori i ngjarjes është identifikuar nga policia si shtetasi 43-vjeçar Artur Lushi.
Uniformat blu janë vënë në kërkim të tij.
Plagosja ka ndodhur në kantierin e ndërtimit të Xhevat Vataksit dhe dyshohet se shkak për atentatin është bërë një konflikt pronësie mes dy personave.
Artur Lushi është pronar i një lokali.
