Subscribe në Ora News këtu http://bit.ly/1s5j7UT
Shtyhet seanca për shpalljen e vendimit për gjyqtaren e Gjykatës Kushtetuese, Altina Xhoxhaj.
Komisioni i Pavarur i Kualifikimit deklaroi se do të japë më 3 maj vendimin për gjyqtaren.
Shkaku?
"Materialet të dërguara ditën e seancës dëgjimore në lidhje me likujditetet të cilat kërkojnë përllogaritje të mëtejshme. Trupa gjykuese vendosi të shtyjë seancën për shpalljen e vendimit më datë 3 maj 2018, po në të njëjtën sallë" lexoi gjyqtarja
Seanca e kaluar degjimore
Për këtë gjyqtare Inspektoriati i Lartë i Deklarimit të Pasurive kishte arritur në konkluzionin se nuk ka deklarim të rremë, nuk ka mosdeklarim se të ardhurat për pasurinë janë të ligjshme.
Por relatorja Brunilda Bekteshi, deklaroi seancën e kaluar se hetimi administrativ mbi pasurinë e Xhoxhaj kishte konstatuar se nuk justifikohet origjina e të ardhurave për një shtëpi 101 metra katrorë në Tiranë, në një apartament në Gjirin e Lalzit. ka mungesë të justifikimit të të ardhurave të ligjshme në vlerën e 450 mijë lekëve si edhe ka përfituar 100 metra katorë më shumë sesa i takonte.
Mosjustifikim të të ardhurave kishte edhe për bashkëjetuesin e gjyqtares i cili sipas Komisionit mbante më shumë lekë kesh sesa i lejonte ligji.
Po pretendimet e Komisionit u kundërshtuan fort nga vetë gjyqtarja dhe avokatja e saj mbrojtëse si të pabazuara ndërsa vetë gjyqtarja Xhoxhaj tha se kishte punuar me përkushtim dhe nuk kishte pasuri të pajustifikuar. Ajo akuzoi anëtaret e Komisionit se nuk e njihnin mirë ligjin.
Për më shumë lexoni në:
http://oranews.tv/article/vetingu-shtyhet-me-nje-jave-dhenia-e-vendimit-gjyqtaren-altina-xhoxhaj
