Ora News disponon video të momenteve pak minuta pas shperthimit te eksplozivit ne makinen e Ervin Memos, ne momentin kur sapo kishte hipur. Gjithashtu disponon dhe video te momentit kur autoambulanca erdhi per ta shoqeruar ne spitalin e Fierit.
Në momentin kur personi i identifikuar si Ervin Memo, ka hipur në makinë eksplozivi ka shpërthyer.
"Rreth orës 22:55, në vendin e quajtur "Kryqëzimi i Grecallisë" ka shpërthyer mjeti tip "Benz" me drejtues shtetasin E.M, 38 vjeç, banues në Fier. Gjatë kohës së shpërthimit mjeti ka qënë i parkuar dhe drejtuesi i tij sapo kishte hipur në mjet. Paraprakisht dyshohet se mjetit i është vendosur lëndë plasëse eksplozivë" informon policia e Fierit.
Drejtuesi i mjetit ndodhet në Spitalin Rajonal Fier nën kujdesin e mjekëve jashtë rrezikut për jetën.
Fotot dhe videoja e mberritur ne redaksi tregojne se shpërthimi ka qenë mjaft i fortë.
Grupi hetimor po punon për zbardhjen e plotë të kësaj ngjarje.
