Të gjitha familjet që nuk kanë një apartament dhe nuk kanë të ardhura të mjaftueshme për të përballuar kreditë me kushtet e tregut, mund të përfitojnë nga kreditë e buta të ofruar nga Bashkia e Tiranës. Procesi ka startuar në të gjitha njësitë administrative, ku edhe të interesuarit mund të aplikojnë.
Ndryshe nga një vit më parë, aplikantët do të kalojnë në dy faza, e para ku do të paraqesin të dhënat dhe deklarojnë të ardhurat dhe më pas ata që përzgjidhen do të nisin përgatitjen e dokumentacionit final, për përfitimin e kredisë. Kredia ka një afat 20 vjeçar dhe me interes 3%.
