Subscribe në Ora News këtu http://bit.ly/1s5j7UT
Një pjesë e tregtarëve të vegjël në Fier që preken nga skema e re e TVSH iu përgjigjën thirrjes së Partisë Demokratike dhe dolën në protestë kundër vendimit të qeverisëAta thanë se përfshirja në TVSH i çon drejt falimentit, në një kohë kur sipas tyre ka qytetarë që blejnë me lista. Në mbështetje të tregtarëve ishte deputeti demokrat Luan Baçi, i cili tha se qeveria kërkon falimentimin e tyre për të mbështetur qëndrat e mëdha tregtare. Të premten në orën 10:00 do të jetë tubimi i radhës i tregtarëve të Fierit.
Në orën 10:00, një pjesë e tregtarëve të vegjël në Fier mbyllën qepenat dhe dolën në protestë para prefekturës për të kundërshtuar përfshirjen në skemën e TVSH.
Ata iu përgjigjën një thirrje të Partisë Demokratike për protestën, por me pankarta në duar e thirrje kundër vendimit, thanë se arsyet janë vetëm ekonomike.
Tregtari: Nuk më interesojnë partitë, më interesojnë fëmijët e mi.
Sipas tyre kjo skemë, që në Fier përfshin rreth 440 nga 4166 biznese të vegjël që ka Bashkia, i çon drejt falimentimit.
Tregtari: Kemi përmbysur sistemin komunist dhe nuk do i ndahemi pa hequr TVSH, pa rritur pragun mbi 20 milionë.
Tregtari: 20 milion lekë nuk e ka biznesi i madh, ne mbetemi vendi më i humbur i botës.
Ndërsa deputeti demokrat, Luan Baçi, që ishte në krah të organizatorëve tha se falimentimi i biznesit të vogël është qëllimi i qeverisë, për të mbështetur qendrat tregtare.
Për më shumë lexoni në:
http://oranews.tv/article/fier-biznesi-i-vogel-proteston-kunder-tvsh-s
