Janë zhvilluar sot homazhe në nder të këngëtarit të njohur fierak, Vilson Shaho, i cili u gjet i vdekur në banesën e tij, në lagjen ?11 Janari?, një ditë më parë. Vilson Shaho ka mbaruar Akademinë e Arteve për degën kanto, ndërsa ka marrë pjesë në disa festivale kombëtare.
Ai ka qenë drejtor në Shtëpinë e Kulturës, drejtor shkolle dhe mësues muzike, pa harruar dhe pasionin e tij për këngën. Sot në homazhet e zhvilluara në teatrin Bylis mbi arkivolin e tij janë vendosur kurora me lule, ndërsa merrnin pjesë të afërm, familjarë, miq dhe shok të Shahos, si dhe drejtues vendorë.
Në orën 13:00, këngëtari Shaho do të përcillet për në banesën e fundit dhe trupi i tij do të prehet në varrezat publike, në Fier.
