Inspektoriatit Shtetëror Shëndetësor ka zhvilluar inspektime mbi shërbimin shëndetësor në qarkun e Elbasanit, ku nuk kanë munguar edhe masat administrative. Ky inspektoriat pasi pa nga afër situatën, vendosi të mbyllë provizorisht disa ambiente jo funksionale në spitalin e Librazhdit, Peqinit, pediatrinë e qytetit të Elbasanit si dhe disa ambiente në pavionin e infektivit.
Duke qenë se këto ambiente nuk kanë qenë të përdorshme prej kohësh u pa e nevojshme të mbyllen që të mos konsumohen edhe më, duke parë edhe gjendjen e amortizuar në të cilën ato ndodhen prej kohësh. Në prag të hapjes së sezonit turistik, Inspektoriati shtetëror shëndetësor ka marrë masa edhe për inspektimin e bizneseve konsumuese, si hoteleri, bare, fast-foode etj.
Kryeinspektorja Areti Buruku
Në lidhje me mbylljen e ambienteve pranë spitalit rajonal në Elbasan, drejtorja e këtij institucioni, Desantita Tahiraj jashtë kameras ka theksuar se nuk është në dijeni të masës së ndërmarrë, pavarësisht se Inspektoriati shtetëror shëndetësor thotë se ka kohë që ia ka çuar vendimin.
