Subscribe në Ora News këtu http://bit.ly/1s5j7UT
Tre burra, i Madhi, i Mesmi dhe i Vogli, të veshur me sqimë, gjenden të humbur, në mes të detit, mbi një trap. U kanë mbaruar ushqimet ndaj duhet të gjejnë zgjidhje për të mbijetuar. Cila do të jete ajo? Me çfarë do të ushqehen? Si do të mbijetojnë këta tre burra? Ka vetëm një rrugë: duhet të hanë njërin prej tyre. Kë?
Për ta zgjedhur se kë, tre burrat do të përplasen në debate të forta, do të zhvillojnë procese të gjata elektorale.
A do të marrin ata një vendim të drejtë? A do t'i respektojnë ata rregullat demokratike? A do ta konsiderojnë ata fjalën e më të Voglit?
Komedia "Në det të hapur" që mbart satirën therëse të Slavomir Mrozhek, dramaturgut disident të vlerësuar si autori më i mirë polak do të ngrejë nesër (5 prill) në sallën e vogël të Black Box (të Universitetit të Arteve) debate të mëdha. Për pushtetet, për absurditetet që krijohen në emër të tyre, duke mos hezituar për asnjë moment të shtypin e dhunojnë më të vegjlit, me të papapushtetshmit e të cënojnë kështu demokracinë.
Ky debat do të zhvillohet nën moderimin e gazetarit e aktivistit të njohur të shoqërisë civile, Arbër Çepanit, bazuar në mesazhet që sjell kjo vepër, mes auditorit që do të jenë gjimnazistë e studentë dhe një paneli të përbërë nga politikanë, gazetarë, aktivistë dhe përfaqësues të pushtetit lokal. Përkatësisht nga ish ministrja e Integrimit e një nga politikanet që vazhdon të mbetet më aktive në vend, Majlinda Bregu, Kryetari i Këshillit Bashkiak dhe Qarkut të Tiranës, Aldrin Dalipi si dhe drejtuesja e "Tiranapost", Mira Kazhani.
Për më shumë lexoni në: http://oranews.tv/article/komedia-ne-det-te-hapur-ne-sallen-e-vogel-te-black-box
