Sopranoja Arlinda Morava është surprizuar ditën e sotme në emisionin ?Rreze Dielli?, në Report Tv. Këngëtarja lirike gjatë kohës që ishte duke folur për projektet e saj ka marrë një tufë me lule dhe një tortë në një moment që ishte i papritur për të. Tepër e habitur dhe e gëzuar artistja u shpreh se nuk e priste këtë gjë dhe se ishte tejet falenderuese.
Në momentin e fryrjes së qirinjve, dëshira që shprehu këngëtarja lirike ishte që Shqipëria të ketë sa më shumë koncerte, sa më shumë salla, sa më shumë art, aq më e rëndësishme është.
Sopranoja e famshme Morava sapo debutoi në skenën e Teatrit të Korçës e shoqëruar nga Ansambli i Harqeve të Universitetit të Tiranës.
