Ish-kryetari i Bashkisë së Nju Jorkut, Rudy Giuliani ka vlerësuar faktin që Shqipëria ka pranuar të strehojë muxhahedinët dhe ka përgëzuar qeverinë Berisha që nisi këtë proces dhe qeverinë Rama që e përfundoi.
I ftuar në studion e emisionit "Opinion" të gazetarit Blendi Fevziu në Tv Klan, ish-kryebashkiaku i Nju Jorkut tha se ndodhet në Shqipëri për herë të parë dhe qëllimi i vizitës janë pikërisht refugjatët iranianë.
Rudy Giuliani tregoi gjithashtu se ka pasur marrëdhënie të mira me shqiptarët dhe shumë prej tyre e kanë votuar kur kandidonte për kryetar të Bashkisë së Nju Jorkut.
