KURBIN - LSI-së i ikin edhe tre këshilltarë nga bashkia e Kurbinit. Bashkëpunimi LSI-PD edhe pas skandaleve që kanë plasur me lobimin rus, duket se kanë krijuar situatë të papranueshme për këshilltarët e LSI të cilët po distancohen nga forca e tyre politike.
Pas largimeve të këshilltarëve të LSI në Fier, Vlorë, Gjirokastër, Belsh, Skrapar ditën e sotme në bashkinë e Kurbinit tre anëtarët e LSI kanë dalë në një deklaratë për publikun dhe mediat, ku sqarojnë qëndrimin e tyre. Ata kanë deklaruar se bashkëpunimi PD-LSI kundër Shqipërisë u tregua dhe me lobimin rus, ku LSI nuk u distancua. Më tej, ata theksojnë se PS është partia që po e çon vendin në BE dhe nga dita e sotme këshilltarët e larguar do t'i përkasin kësaj force politike.
Deklarata është firmosur nga këshilltarët Drane Halilaj, Zana Hoti dhe Vlash Piroli.
