Subscribe në Ora News këtu http://bit.ly/1s5j7UT
Zona e Nën-Shkodrës vijon të përballet me situatë të vështirë, ndërsa sipërfaqja e përmbytur këtë të mërkurë shkoi rreth 5 mijë hektarë. Dajçi e Oboti janë zonat më të prekura, ku banorët thuajse janë dorëzuar dhe kërkojnë ndihmën e shtetit. Ndërkohë Qeveria dhe Bashkia e Shkodrës u përplasën sërish sot, pas vendimit për të shtuar mbështetjen dhe praninë e ushtarëve në zonat e përmbytura, por pa shpallur gjendjen e emergjencës.
Banorët e Nën-Shkodrës dhe forcat e ushtrisë bënë roje gjithë natën, pasi prurjet e fuqishme e kanë dëmtuar rëndë argjinaturën e Pentarit në njësinë administrative të Dajçit.
Mëngjesin e kësaj të mërkure nën ujë ishin rreth 5 mijë hektarë tokë dhe disa qindra shtëpi të izoluara.
Banorët e Dajçit po mundohen të shpëtojnë çfarë të mundën nga shtëpitë, si dhe gjënë e gjallë.
Por përballë nivelit të ujit janë të pafuqishëm.
Në Obot prej ditësh, lëvizet vetëm me varka.
Banorët kërkojnë reagim të qeverisë dhe të mundësojë sigurimin e bazës ushqimorë për bagëtitë.
Nga Tirana, qeveria u angazhua për tu intensifikuar ndihmat, por nuk shpalli gjendjen e emergjencës, vendim që kryebashkiakja e Shkodrës e cilësoi turp.
Për më shumë lexoni në: http://www.oranews.tv/article/dajci-dhe-ana-e-malit-dy-prej-zonave-me-te-goditura-nga-permbytjet
