Specialistët për Hetimin e Krimit në Komisiariatin e policisë së Tiranës kanë zbardhur dhe dokumentuar një sërë vjedhjesh të ndodhura më parë në kryeqytet.
Sipas burimeve të raportuara nga policia e Tiranës, bëhet me dije se: Është ndaluar 1 person si dhe janë shpallur në kërkim dy të tjerë.
Autorët vidhnin televizorë, sende dhe materiale ndërtimi, sende dhe materiale parukierie, kabuj elektrik, një sërë kaçavidash dhe mjete prerëse, ku më pas i shisnin në qytetin e Durrësit.
Në vijim të punës për zbardhjen dhe dokumentimin me prova ligjore të rasteve të vjedhjeve të ndodhura më parë si dhe për kapjen dhe ndalimin e autorëve të këtyre vjedhjeve, Specialistët për Hetimin e Krimit në Komisariatin e Policisë nr. 6, kanë bërë zbardhjen dhe dokumentimin e disa vjedhjeve të ndodhura më parë, kryesisht në zonën e Unazës së Re.
