Një shkrim investigativ i botuar në revistën amerikane ?Mother Jones? ku hidhen dyshime se Partia Demokratike përpara zgjedhjeve parlamentare të 25 qershorit është financuar nga lobe ruse për t?u promovuar në Uashington dhe krijuar destabilitet në Ballkan përplasi në Komisonin e Ligjeve maxhorancën dhe opozitën.
Alket Hyseni: ?Ata që e kanë bërë këtë ?paçavure? do të japin llogari para të gjithë institucioneve të popullit shqiptar. Që këto para nuk i kanë nga gjyshi, as nga ato të deklaruarat. Atëherë na lind pyetja, ku i kanë gjetur??
Gent Strazimiri: ?Është një nga ato paçavuret që ekziston vetëm për të goditur presidentin Trump dhe ka marrë të paktën 2 milionë euro nga financuesi i tyre dhe nga Edi Rama personalisht vetëm për këtë shkrim.?
Debati u bë teksa në komision ishte thirrur për të raportuar kreu i KQZ-së, Klement Zguri, I cili tha se për dyshimet e ngritura në lidhje me financimet e Partisë Demokratike nga lobe të huaja, institucioni i drejtuar prej tij do të mblidhet në muajin prill.
