VLORE-Tre persona janë plagosur me armë zjarri mbrëmjen e sotme në qytetin bregdetar. Ngjarja ka ndodhur rreth orës 18:30 te Kisha Ortodokse. Sipas gazetarit të Report Tv në Vlorë Armand Xhelili, persona të paidentifikuar kanë qëlluar me armë zjarri në drejtim të makinës ku po udhëtonin tre personat që u plagosën.
Makina ndaj së cilës u qëllua me armë zjarri është tip ?Fiat Punto? me targa italiane DJ 252 RC. Ajo është qëlluar në lëvizje nga një tjetër makinë, e cila është larguar me shpejtësi pas të shtënave. Makina e të plagosurve pas breshërisë më armë zjarri ka humbur kontrollin duke u përplasur me një tjetër makinë.
Të plagosurit janë dërguar në spitalin rajonal, ndërsa njëri prej tyre raportohet se ndodhet në gjendje të rëndë për jetën. Policia ka ngritur postblloqe për të arrestuar autorët e ngjarjes.
