Një i ri është gjetur i vdekur në Fushë-Krujë. Report Tv mësoi se viktima është 22-vjeçari Ledi Çipi. Nga informacionet e para, policia bën me dije se 22-vjeçari është gjetur nga të afërmit brenda makinës, pranë banesës.
Trupi i pajetë i të riut është dërguar për ekspertizë në Tiranë, prej ku pritet të zbardhen dhe shkaqet e ngjarjes.
Ngjarja ka ndodhur në fshatin Gramëz, rreth orës 21:30 të mbrëmjes së kaluar. Policia ka nisur menjëherë hetimet për të zbardhur rrethanat e ngjarjes.
