Një tjetër ndërtesë do të shembet sot në orën 12:00 në Fier, me shpërthim të komanduar nga IKMT, aksion i cili është në kuadër të rehabilitimit të lumit Gjanica dhe qendërs së qytetit, ky shpërthim do të trasmetohet live me dron nga Report Tv.
Sipas njoftimit nga IKMT, sot do të shembet me shpërthim të kontrolluar një objekt në qytetin e Fierit. Objekti pesë katësh ndodhet pranë vendit ku vetëm një javë më parë, IKMT shembi në të njëjtën mënyrë, pra me lëndë eksplozive, dy objekte të tjerë përafërsisht të të njëjtën madhësi.
Për prishjen e këtij objekti, specialistët e IKMT kanë hapur në trupin e objektit 400 furnella (vrima) dhe do të përdorin gjashtë kilogramë lëndë plasëse. Janë marrë masat me thaës rëre dhe skela për mbrojtjen e objekteve që ndodhen pranë. Shpërthimi do të kryehet në orën 12.00.
