http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Ajo është e re, por me shumë sfida. Melita Çekani është një emër i panjohur në Shqipëri, por jashtë kufijve e përtej oqeanit ajo lakohet për telajot plot ngjyra e për panoramën e një qyteti që të huajt pak e njohin, Gjirokastrën.
Për herë të parë në Tiranë, ajo ekspozon në kryeministri. E pikërisht këtu njihemi me artin e saj, telajon që fitoi çmim të parë si artistja më e mirë europiane në Bosnjë Hercegovinë, apo tablonë që u vlerësua me çmimin e tretë ndërkombëtar në Sllovaki vitin e shkuar. Kjo ekspozitë e saj e parë në kryeqytet sjell Gjirokastrën e gurtë.
Aktualisht në New York po studion për arkitekturë e art, por pranon se dëshiron të kthehet në vendlindje, për gjithë atë trashëgimi kulturore që ende mund të shpëtohet.
E si një mesazh i tillë vjen edhe kjo tablo.
Ekspozita do të jetë e hapur në kryeministri deri më 10 shkurt, para se pikturat e saj të rrugëtojnë sërish drejt New York-ut.
