http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Mijëra njerëz protestuan kundër pjesëmarrjes së Presidentit të SHBA Donald Trump në Forumin Ekonomik Botëror që po mbahet në Davos.
Demonstruesit marshuan në rrugët e disa qyteteve zvicerane me parulla ?Trump nuk je i mirëpritur? dhe ?Zvicra po pret nazistët?. Ata shprehen kundër presidentit amerikan, duke thënë se njeriu që nxit një atmosferë agresive ndaj grave e pakicave nuk ka vend në Zvicër.
Protestuesit thyen një rrethim të sigurisë në Davos duke thirrur ?Trump është mishërimi i seksizmit, racizmit, shfrytëzimit dhe korrupsionit?.
Trump do të mbërrijë në Davos të premten. Pas 18 vitesh një president amerikan do të marrë pjesë në takimin vjetor të liderëve globalë të biznesit dhe politikës.
Në këtë forum do të marrë pjesë edhe kryeministri Edi Rama, i cili pritet të takohet edhe me kryeministrin grek Alexis Tsipras. Një tjetër takim qe pritet me interes është edhe ai i kryeministrit maqedonas me homologun e tij grek, ku ndër të tjera do të diskutohet edhe për çështjen e emrit të Maqedonisë.
