TIRANE- Pas tentativës dhe kërcënimit se nëse nuk do të takonin Arta Markun do të vetëflijoheshin, Kryeprokurorja ka pritur sot në mesditë për rreth 30 minuta një çift nga Fushë Kruja, të cilët kërkonin drejtësi për djalin, pasi sipas tyre po mbahej në burg padrejtësisht për një vepër penale që nuk e ka kryer.
?Nuk e dua jetën më pa djalin, dua të takoj Arta Markun. Ai po mbahet padrejtësisht në burg. Fillimisht u tha se nuk ka prova, por po e mbajnë në burg? u shpreh Besim dhe Zene Mata, ndërsa prokurorja vendosi që t?i takonte pas pritjes për disa orë jashtë ambienteve të prokurorisë.
Takimi sipas prindërve ishte i frytshëm, pasi pas daljes nga Prokuroria e Përgjithshme deklaruan se gjithçka ia lënë drejtësisë.?Kryeprokurorja na priti, më bëri qejfin, tani ia lëmë drejtësisë. Nëse djali e ka bërë le të bëjë 100 vite burg? deklaruan prindërit nga Fushë Kruja.
