Subscribe në Ora News këtu http://bit.ly/1s5j7UT
Një taksist është arrestuar nga policia e Tiranës pasi akuzohet se shpërndante kokainë në zonën e Saukut dhe të Tiranës së Re.
Policia sqaron se i arrestuari shfrytëzonte profesionin e tij si taksist për shpërndarjen e lëndës narkotike kokainë në doza të vogla. Klodian Sina 38-vjeç u arrestua në kuadër të operacionit "taksisti"
"Në bazë të informacioneve të marra në rrugë operative se shtetasi Klaudian Sina, me mjetin tip Ford Focus me targa AA 782 EA, shpërndante lëndë narkotike të llojit Kokainë në doza të vogla në disa zona në Tiranë, menjëherë është organizuar puna për kapjen në flagrancë të këtij shtetasi, ku në rreth-rrotullimin e "TEGUT", Specialistët për Hetimin e Narkotikëve kanë ndërhyrë dhe kanë bllokuar automjetin në drejtim të së cilit ishte shtetasi Klaudian Sina si dhe katër pasagjerë të cilët kishin marrë si taksi", informon policia e Tiranës.
Po ashtu policia thotë se gjatë kontrollit të automjetit në sediljen e pasme mbrapa pasagjerit të parë, në ndarjen midis sediljes ulëse dhe asaj mbështetëse janë gjetur dhe sekuestruar në cilësinë e provës materiale 15 paketime plastike të mbyllura me djegie, brenda se cilave kishte lëndë të dyshuar narkotike të llojit Kokainë, si dhe nje facolet brenda së cilës kishte 10 paketime plastike të mbyllura me djegie ku kishte material pluhur të dyshuar lëndë narkotike të llojit Kokainë.
Gjithashtu janë sekuestruar në cilësinë e proves materiale: 1 automjet dhe 2 telefona celularë
Materialet proceduriale do t'i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale ?Prodhimi dhe shitja e narkotikëve?, të parashikuara nga neni 283 i Kodit Penal .
Për më shumë lexoni në:
http://oranews.tv/article/arrestohet-taksisti-qe-shperndante-kokaine-ne-sauk-dhe-tirane-te-re
