Qeveria është duke diskutuar mënyrën se si do të shpërndajë këstet për trashëgimtarët e ish-të përndjekurve politikë.
Ministri i Financave, Arben Ahmetaj tha se Fondi për Dëmshpërblimin e Trashëgimtarëve të ish-të përndjekurve ka ngrirë deri në momentin që do të vendoset se kush do të përfitojë.
Në konferencën për mediat, Ahmetaj tha se nuk ka ende asnjë qëndrim zyrtar se si do të ndodhë bashkimi në një institucion të vetëm i tatimeve dhe doganave, për shkak të polemikave me Fondin Monetar Ndërkombëtar.
Qeveria ka projektuar që rritja ekonomike në 2018-ën të arrijnë në nivelin 4.2%, ndërsa do të mbështetet nga investimet në sektorin e turizmit.
