Subscribe në Ora News këtu http://bit.ly/1s5j7UT
Plot 92 leje drejtimi janë pezulluar gjatë 48 orëve të fundit, ndërsa 8 drejtues mjetesh janë arrestuar. Në një deklaratë, thuhet se kontrollet me Radar janë zhvilluar thuajse gjatë gjithë orëve të natës nga e premtja deri të dielën për parandalimin e shpejtësisë sidomos në qendra të banuara por dhe në autostradë.
Sipas të dhënave të Policisë së Shtetit, bëhet me dije se janë evidentuar dhe ndëshkuar posaçërisht:
56 drejtues mjetesh që qarkullonin me shpejtësi tej normave të lejura.
Shpejtësia në autostradë vijonte nga 130 km/orë deri në 195 km/orë.
Në qendrat e banuara shpejtësia kalonte dy deri në tre herë më shumë se limiti i lejuar, nga 81 km/orë deri në 109 km/orë.
Përsa i përket drejtimit të automjetit nën ndikimin e alkoolit apo në gjendje të dehur gjatë 48 orëve të fundit janë arrestuar në flagrancë :
7 drejtues mjetesh që drejtonin automjetet në gjendje të dehur apo tej mase të dehur.
Masa e alkoolit varionte nga 0.56 mg/l deri në 2.41 mg/l.
Kjo sasi e madhe alkooli deri ne 2.41 përbën një rrezik shumë të madh për jetën e drejtuesit të mjetit dhe të përdoruesve të rrugës.
Si dhe është arrestuar një drejtues mjeti që drejtonte automjetin i pa paisur me Leje Drejtimi.
Gjithashtu janë pezulluar 26 Leje Drejtimi për drejtim mjeti nën ndikimin e alkoolit, por jo deri në kufijtë e dehjes.
Masë alkooli e konsumuar varionte nga 0.29 mg/l deri në 0.47 mg/l.
Por nga kontrolli me Drager janë evidentuar një numër i madh drejtues mjetesh që nuk kishin konsumuar alkool ose kishin konsumuar shumë pak, 0.00 mg/-0.18 mg/.
Gjithashtu janë pezulluar dhe 10 Leje Drejtimi për shkelje të tjera.
Për më shumë lexoni në:
http://oranews.tv/article/shpejtesi-deri-ne-195-kmore-ndeshkohen-dhjetera-drejtues-mjetesh
