Një plagosje me armë zjarri ka ndodhur këtë mesditë në Lezhë. Ngjarja ka ndodhur në lagjen 'Gurra', ku nga të shtënat ka mbetur një person i plagosur. Ky i fundit është dërguar menjëherë në spital dhe ndodhet jashtë rrezikut për jetën.
Report Tv mësoi se është qëlluar me plumba ndaj shtetasit Vilson Zefi, i cili fatmirësisht ka marrë vetëm disa lëndime pa pasoja për jetën. Policia ka mbërritur në vendngjarje dhe ka nisur hetimet, për të zbardhur rrethanat e ngjarjes dhe autorin, identeti i të cilit nuk dihet ende.
