Gjatë natës së ndërrimit të viteve më shumë se 50 persona kanë shkuar në QSUT për të marrë ndihmën e parë, ku asnjë prej tyre nuk ka shkuar për të marrë ndihmë për shkak të lëndimeve nga fishekzjarrët.
Sipas të dhënave të para, bëhet me dije se QSUT e kanë frekuentuar 6 persona të cilët kanë patur nevojë për marrjen e një serumi për shkak të konsumimit të tepërt të alkoolit. Gjithashtu për ndihmën e parë kanë patur nevojë edhe 2 persona të cilët janë aksidentuar lehtë.
Gjatë ndërrimit të viteve në spital kanë shkuar edhe 4 fëmijë për shkak të virozëve të stinës. QSUT bën me dije se rastet e tjera kanë qenë persona të moshuar dhe persona të tjerë të cilët kanë kryer kontrolle të urgjenca e kësaj qendre spitalore.
Mjekët janë shprehur se fluksi i njerëzve që kanë patur nevojë për ndihmën e parë këtë vit ka qenë i normal, ndryshe nga vitet e tjera ku fluksi i personave gjatë natës së ndërrimit të viteve ka qenë shumë herë më i madh.
