Subscribe në Ora News këtu http://bit.ly/1s5j7UT
Gjykata e Krimeve të Rënda ka lënë në arrest me burg Selman Aliajn, 28 vjeçarin i cili masakroi për vdekje me çekiç të atin dhe më pas e hodhi në liqenin e Farkës.
Në seancën gjyqësore, organi i akuzës ka lexuar dëshminë e të riut për vrasjen e të atit 74 vjeçar, Fejzi Aliaj.
Sipas dëshmisë, Selmani ka rrëfyer se e ka goditur babain disa herë me çekiç dhe më pas e ka fshehur në bagazhin e makinës.
"E godita disa herë me çekiç dhe e futa në bagazhin e makinës. Kur shkova në liqenin e Farkës, e kuptova që ishte gjallë dhe e godita prapë me çekiç, për herë të katërt". Babai më tha "gruan tënde do ta ndajmë më dysh".
"Më pas e hodha në Liqenin e Farkës dhe u largova në Kukës" ka treguar ai.
Sipas dëshmisë, i riu ka deklaruar se e qëlloi me çekiç të atin pasi ai i kishte thënë se të fejuaren e tij me te cilen pritej te martohej ne janar do ta ndanin bashke.
"Më fejuan me zor, unë doja të ikja në Gjermani te vëllai" vijon më tej dëshmia e Selman Aliaj.
Ndërkohë avokati mbrojtës, Fran Dashi, ka kërkuar që klientit të tij ti bëhet ekspertiza psikike, kërkesë e cila është pranuar nga gjykata.
Për më shumë lexoni në: http://oranews.tv/article/gruan-tende-do-ta-ndajme-te-dy-i-riu-tregon-pse-masakroi-te-atin
