Inspektorati Kombëtar i Mbrojtjes së Territorit prej dy ditësh është duke punuar në segmente të caktuara të superstradës Tiranë-Durrës. Ky aksion i IKMT është ndërmarrë në kuadër të emergjencës për shkak të reshjeve, me qëllim mospërsëritjen e situatave si ato dy javë më parë.
IKMT ka nisur ndërhyrjet pranë zonës së City Park dhe urës së Limuthit, ndërkohë që planifikon ndërhyrje edhe në disa zona të tjera me problematikë të njëjtë.
Njëkohësisht, IKMT vazhdon aksionin në Patos në kuadër të projektit për rehabilitimin e qendrës së qytetit.
