Subscribe në Ora News këtu http://bit.ly/1s5j7UT
Mbledhja e përbashkët e dy qeverive, asaj të Shqipërisë dhe Maqedonisë në Pogradec u pasua me një konferencë shtypi nga dy kryeministrat. Çështjet infrastrukturore ishin tema kryesore e kreut të qeverisë shqiptare, duke përmendur linjën hekurudhore Ohër-Lin. Rama theksoi se deri në mbledhjen e ardhshme të dy qeverive do të punohet për një doganë të përbashkët në Qafë Thanë.
Një çështje tjetër ishte marrëveshja e Ohrit, për të cilën Rama tha se kishte marrë garanci nga homologu Zaev për zbatimin përfundimtar të saj.
Rama: Rruga e Arbrit për të cilën nga ana jonë kemi bërë progres së konsiderueshëm është një segment ku ndajmë të njëjtin mendim me kryeministrin Zaev vjen si domosdoshmëri zgjatimi nga ana tjetër e kufirit. Jam shumë i kënaqur që mora nga kryeministri Zaev garancinë se do të punojë për studimin e fizibilitetin duke studiuar edhe impaktin mjedisor. Njësoj e sheh edhe ai rëndësinë e madhe të këtij segmenti për të ardhmen si një urë e dobishme lidhëse jo vetëm në sensin fizik por edhe shpirtëror.
Po ashtu është folur për hekurudhën dhe shtrirjen e saj mes Ohrit dhe Linit si dhe për ambicien që porti i Durrësit të jetë gjithnjë e më shumë me akses për palën maqedonase në funksion të intensifikimit të tregtisë edhe nga ky port. Ndërtimi i linjës të interkonjeksionit 400KV përbën një arsye të fortë për të qenë optimist për sa i përket integrimit të tregut energjetik mes dy vendeve.
Duke parë trendin rritës të vëllimit tregtar dhe shtimit të turistëve nga Maqedonia do të punojmë që deri në mbledhjen e dytë të qeverive të kemi pikën e përbashkët doganore në Qafë Thanë.
U fol edhe për marrëveshjen e Ohrit dhe jemi shumë të inkurajuar nga vizioni, kurajoja dhe vullneti i kryeministrit Zaev për ta çuar përpara dhe më në fund për ta mbyllur këtë kapitull me zbatimin e marrëveshjes së Ohrit që është me interes të madh reciprok dhe një gurë themeli për demokracinë dhe rritjen e mirëqenies kudo ku jetojnë shqiptarët pasi i jep përfundimisht fund një historie ku kufijtë e së shkuarës si pengesa për të ardhmen.
Për më shumë lexoni në: http://oranews.tv/article/rama-zaev-dogane-te-perbashket-me-maqedonine-linje-hekurudhore-oher-lin
