http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Bora intensive, shiu i dendur dhe erërat e forta që prej ditës së hënë kanë shkaktuar dëme të mëdha në të gjithë Italinë fqinje. Situata është veçanërisht e rënduar në rajonet qendrore dhe veriore.
Për shkak të përmbytjeve janë evakuuar 1000 persona në qytetin Lentigone dhe në provincën e Rexhio Emilias. Reshjet me intensitet të lartë kanë nxjerrë nga shtrati lumin Enca, duke përmbytur me qindra shtëpi.
Autoritetet italiane kanë marrë masat për të shmangur dëmet njerëzore, duke i zhvendosur në qendra strehimi nëpërmjet helikopterëve.
Rrjeti hekurudhor në Itali është pezulluar në disa zona, ndërkohë që situata mbetet ende problematike.
Në zonën e Bergamos ka pasur rrëshqitje dherash, duke shkaktuar ndërprerje të qarkullimit në rrugë.
Gjithashtu janë shënuar vonesa në fluturime dhe shkatërrime banesash për shkak të erërave të forta.
