http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Mazhoranca duket e vendosur për të zbardhur deri në fund atë që ajo e quan prej kohësh afera korruptive e koncesionit të skanimit, e cila administrohet nga kompania Rapiskan.
Kreu i komisionit të ekonomisë Erjon Brace i është drejtuar Ministrisë së Financave, ku i kërkon që të hetojë të gjithë procedurën e përzgjedhjes së kësaj kompanie, si dhe transaksionin e shitjes së aksioneve.
Për Bracen ka dyshime të forta se pas saj fshihen interesa korruptive të kryera nga qeveria Berisha.
Brace shpjegon edhe faktin se pse nuk i është drejtuar prokurorisë për këtë rast.
Pak ditë parë në mediat ndërkombëtarë, përfaqësues i një kompanie investimesh pas një investigimi të kryer, doli në konkluzionin se kjo kontratë koncesionare ishte fituar në Shqipëri nëpërmjet ryshfetit shuma e të cilit arrinte në miliona dollarë.
Koncesioni i miratuar në 2011 kishte si qëllim skanimin e kontenierëve në doganë. Tarifat u kundërshtuan nga biznesi dhe më pas ato ndryshuan pas negociatave të qeverisë së majtë me kompaninë.
