http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Hedhjen e shortit për anëtarët e Këshillit të Emërimeve në Drejtësi, e parapriu debati politik mes mazhorancës dhe opozitës.
Për opozitën, është e papranueshme hedhja e shortit dhe për këtë proces duhet të shprehet Këshilli për Legjislacionin.
Por shumica mendon se procedura e përzgjedhjes së anëtarëve të KED-së është një detyrim kushtetues i Kuvendit.
Arsyetimin pro këtij procesi, nënkryetarja e Kuvendit VasiliKA Hysi e mbështeti edhe në qëndrimin e Presidentit Meta, i cili i delegoi kompetencën organit ligjvënës.
Megjithë debatin politik, është hedhur shorti për 9 anëtarët e KED-së dhe 3 zëvendësues. Të përzgjedhurit dolën nga propozimet që Kuvendit i mbërritën nga Gjykata Kushtetuese, Gjykata e Lartë, ajo e Apelit dhe Gjykatave Administrative, Prokuroria e Përgjithshme, prokurorët pranë Gjykatave të Apelit.
Këshilli i Emërimeve bën vlerësimin dhe renditjen e kandidateve për Inspektorin e Drejtësisë dhe kandidateve per Gjykatën Kushtetuese. Ndërkohë që anëtarët e KED-së kanë një mandat 1-vjeçar.
