Rreth 100 persona të cilët ishin bllokuar në qendrën tregtare ?City Park? janë në proces evakuimi.
Lajmi është bërë i ditur nga Emergjencat Civile, sipas të cilave deri më tani në rang vendi janë evakuar 39 familje, ndërsa po ndërhyhet për ndihmë edhe në disa familje në Fushë Krujë.
Siapas Emergjencave deri më tani janë përmbytur 18 banesa në rang vendi.
Ndërsa, sa i përket gjendjes së akseve rrugore Emergjencat Civile raportojnë se janë bllokuar Autostrada Tiranë-Durrës, aksi Durrës-Kavajë, Gjirokastër-Lunxhëri dhe në disa rrugë dytësore.
Veç përmbytjeve raportohet edhe për rrugë të bllokuara nga dëbora. Kështu është bllokuar ruga Bogë-Theth në Qafën e Thorës, ndërsa veç kësaj ka pasur edhe rrëshqitje dheu në rrugën Tiranë-Ndroq.
