Regjizorët shqiptarë Esat Musliu dhe Pirro Milkani ishin sot të ftuar në emisionin ?Rudina?, në Tv Klan nga ku rrëfyen si ?ringjallën? filmin ?Skënderbeu?.
Gjatë emisionit Musliu rrëfeu vështirësit e ridublimit të filmit teksa tregoi se vështirësia më e madhe ka qenë gjetja e një dublanti për zërin e aktorit të madh Kadri Roshi.
Regjizori tha se për të gjetur dublantin ka provuar 10 aktorë dhe në fund vendosën për djalin e Kadri Roshit, Kliti Roshin i cili sipas tij e imitonte në mënyrë perfekte.
?Vështirësinë më të madhe dhe thuajse të pamundur gjetëm tek ai historiani i famshëm të cilin e ka dubluar Kadri Roshi. Aty unë kam provuar 10 aktorë. Aktorëve nuk iu ka mbetur hatri dhe si përfundim morëm të birin e Kadri Roshit, Kliti Roshin. Ai nëpër ambientet e kafeneve ku takoheshim e imitonte në mënyrë perfekte dhe në fakt ashtu e ka bërë. Dhe është personazhi i vetëm që nuk kuptohet nëse është Kadriu vetë apo ndonjë aktor tjetër?, tha Musliu.
