Ditën e sotme u përplas në Korçë eskorta e Kryeministrit Rama, teksa shoqëronin kreun e qeverisë për në mbledhjen e përbashkët me qeverinë e Kosovës. Nga aksidenti mbetën të plagosur pesë persona, ku mes tyre edhe tre gardistë.
Eksperti i sigurisë rrugore, Gëzim Hoxha, ishte i ftuar sot në studion e Report Tv për të komentuar më tej rreth kësaj ngjarje.
Sipas Hoxhas Eskorta ka qenë shumë profesionale, por sipa tij, nuk është hera e parë që eskortat përfshihen në aksident, e shkak për këtë, thekson eksperti, është mungesa e përvojës së drejtuesve dhe e edukatës së qytetarëve.
Është detrim me ligj që qytetarët duhet të ndalojnë kur shohin një makinë me venelina, por, sipas Hoxhas, ata nuk e bëjnë gjithmonë këtë.
"Ky është një aksident që nuk ka lidhje me eskortën. Eskortën e shoh shumë profesionale sepse ka përpara një polici makine. Siç duket makina e dytë ka mbajtur frenat por nuk ka mundur të ndalojë e në këtë moment ka tentuar të kalojë në korsinë tjetër ku është përplasur. Garda ka vepruar drejtë.
