Subscribe në Ora News këtu http://bit.ly/1s5j7UT
Përkundër argumentit ligjor të dhënë nga Presidenti Meta, deputeti demokrat Ervin Salianji vijon ti qëndrojë mendimit se zbardhja e debateve të Këshillit të Sigurisë Kombëtare do të ishte në shërbim të publikut dhe vetë shtetit.
Në intervistën e mbrëmjes në Ora News, Salianji tha se çdo ditë faktohet lidhja e qeverisë me krimin, por nuk është e qartë deri në çfarë niveli ka shkuar.
Salianji: Ne kërkuam të bëhej publike dhe të zbardhej mbledhja e Këshillit të Sigurisë.Ka interes për publikun por edhe do të zbardhte një pjesë të rëndësishme të arsyeve pse ndodhet sot në këtë gjendje Shqipëria me kanabizim të plotë, Ministrin e Brendshëm, super Ministrin e qeverisë, të dy qeverive Rama I dhe Rama II, të akuzuar drejtëpëdrejtë për një akuzë shumë të rëndë që është pjesmarrja në grup të strukturuar kriminal përveçse korrupsionit pasiv. Jemi në këtë situatë ku nuk e dimë se cilët persona e ushtrojnë këtë veprimtari.Të gjithë dyshimet e arsyeshme të çojnë se në krye të kësaj veprimtarie është Kryeministri dhe është i dyshuar Kryeministri sepse nuk mundet një Ministër pavarësisht pse Ministër me fuqi politike siç ishte i akuzuari Saimir Tahiri, nuk mund të bënte dot lidhjen dhe të influenconte dhe tek Ministria e Brendshme, dhe tek Ministria e Mbrojtjes dhe Ministritë e tjera të linjës.
Për më shumë lexoni në: http://www.oranews.tv/article/salianji-shteti-eshte-marre-nga-krimi-por-nuk-dihet-ne-cfare-niveli
